PS5-ийн шинэ контент бороо мэт асгарна: Викториан стилийн нээлттэй ертөнцтэй "Silver Palace" тоглоом 12-р сарын 14-нд нээлтээ хийхээр боллоо!
PlayStation 5 эзэмшигчдийн хувьд 2026 оны сүүлч гайхалтай гэнэтийн бэлгүүдээр дүүрэн өнгөрөх нь тодорхой боллоо. Хөгжүүлэгч Silver Studio болон нийтлэгч Elementa компаниудаас олон нийтийн анхаарлыг татаад байсан Викториан эрин үеийн уур амьсгалтай, детектив төрлийн нээлттэй ертөнц бүхий action-RPG "Silver Palace" тоглоомын албан ёсны нээлтийн товыг гэнэт зарлаж, 2026 оны 12-р сарын 14-нд дэлхий даяар цацахаа мэдэгдлээ.
Консолын хувьд уг төсөл нь PlayStation 5 дээр түр хугацааны эксклюзив (console exclusive) байх ба үнэ төлбөргүй (free-to-play) загвараар гарах юм. Мөн PC болон мобайл (iOS, Android) платформууд дээр зэрэг нээлтээ хийнэ.
"Silver Palace" гэж чухам ямар тоглоом бэ?
"Silver Palace" нь тоглогчдыг уран зөгнөлт аж үйлдвэржилт, ид шидийн "Silverium" эрдсээр баялаг, нууцлаг хот Сильверниа (Silvernia)-д аваачна. Хотын нүд гялбам тансаг барилгууд, манан дундах Викториан гудамжуудын цаана аймшигт гэмт хэрэг, корпорацын монопол хуйвалдаан, чөтгөрийн шинжтэй далд хүчнүүд нуугдаж байдаг.
Тоглогчид чадварлаг мөрдөгчийн (detective) дүрд тоглож:
- Хачирхалтай гэмт хэргүүдийг мөрдөн шалгах,
- Сэжигтнүүдийг байцааж, ул мөр шинжлэх,
- Хотын кафе, үл хөдлөх хөрөнгө, нууц бүлэглэлүүдтэй харилцаа тогтоох зэргээр зөвхөн байлдахаас гадна детектив адал явдлыг нэгэн дор мэдрэх боломжтой.
Тоглоомын уур амьсгал, дүрслэл нь Reverse 1999, Bloodborne болон anime гоо зүйг нэгтгэсэн туйлын өвөрмөц өнгө аястай бөгөөд олон улсын шүүмжлэгчдээс ихээхэн өндөр үнэлгээ аваад байна.
Тулааны систем болон PS5 онцлогууд
Тоглоомын тулаан нь real-time, өндөр хурдтай character-switching систем дээр суурилжээ. Та тулааны явцад багийн гишүүдээ хооронд нь шууд сольж, комбо (combo chain) үүсгэх, parry хийх болон Quick Time Event (QTE) ашиглан хүчирхэг ultimate чадваруудыг цохилт болгон буулгах боломжтой. Шинэхэн болон тулааны механик сонирхдоггүй тоглогчдод зориулсан автомат чадвар идэвхжүүлэх Casual Mode горим хүртэл багтжээ.
PlayStation 5 хувилбарын онцлог:
- PS5 Pro Enhanced: Тоглоом нь PS5 Pro консолын хүчийг бүрэн ашиглаж, сайжруулсан PSSR болон тогтвортой 60FPS, 4K нягтаршлыг үзүүлнэ.
- DualSense дэмжлэг: Буудах, сэлмээр цохих, шидэт урвал үүсгэхэд adaptive triggers болон haptic feedback төгс ажиллахаар тохируулагджээ.
- Game Help & Хурдан ачаалалт: PS5-ийн хурдан SSD ачаалалт болон даалгавар гүйцэтгэхэд туслах Game Help карт шууд холбогдсон.
35 сая урьдчилсан бүртгэл: Үнэгүй урамшуулал дүүрэн
Тоглоомын албан ёсны вебсайт дээр урьдчилсан бүртгэл (pre-registration) эхэлсэн бөгөөд өдгөө дэлхий даяар 15 саяас давсан байна. Хөгжүүлэгчдийн зүгээс тоглогчдын тооноос хамааран дараах бэлгүүдийг Day-1 өдөр бүх тоглогчдод олгохоор амлажээ:
- 15 сая: Ounce мөнгөн тэмдэгт (x80,000)
- 20 сая: The Science of All Things: Volume III сайжруулалтын материал (x10)
- 25 сая: Simulation Shot (Gacha татах тасалбар x5)
- 30 сая: Цоо шинэ 4-Star дүр
- 35 сая: Simulation Shot (x10)
Хэрэв та Genshin Impact, Honkai: Star Rail, эсвэл Wuthering Waves зэрэг тоглоомуудад дуртай бөгөөд арай илүү нууцлаг, Викториан эрин үеийн готик өнгө аястай нээлттэй ертөнцөөр аялахыг хүсэж байвал 12-р сарын 14-нийг хуанли дээрээ тэмдэглээд аваарай!
Эх сурвалж: Push Square, Gematsu, PlayStation Store Official